Ուքրանիոյ մէջ ընդդիմադիրները կը սկսին հեռանալ իրենց գրաւած պետական շէնքերէն։
«ՌԻԱ Նովոսթի» լրատու գործակալութիւնը` վկայակոչելով ընդդիմադիր կուսակցութեան մը երեսփոխաններէն
Արսէն Աւագովի գրառումը. կը հաղորդէ, որ Ուքրանիոյ ընդդիմութեան արմատական թեւի անդամները
սկսած են հեռանալ նախապէս իրենց գրաւած քաղաքային վարչութիւններու շէնքերէն: Անոնք
մասնակի կերպով բացած են նաեւ Քիեւի կեդրոնական Կրուշեւսքի փողոցը, որ կ՛առաջնորդէ դէպի
նախարարաց խորհուրդի եւ Գերագոյն ռատայի շէնքերը: Ընդդիմադիրները մասնաւորաբար հեռացած
են Թեռնոփոլի, Իվանօ-Ֆրանքովսքի, Լվովի եւ Փոլթաւայի քաղաքային վարչութիւններու շէնքերէն: Մինչեւ
17 փետրուար կառավարական շէնքերէ հեռացումն ու փողոցներու վերաբացումը իշխանութիւններուն
կողմէ ճշդուած պարտադիր պայմաններ են` Ուքրանիոյ մէջ։