Член Рады кардыналаў: Ватыканскі банк павінен адрознівацца ад усіх іншых банкаў
Член Рады кардыналаў
для дапамогі Святому Айцу ў кіраванні Касцёлам і вывучэнні праекту рэформы Рымскай
курыі, кардынал Оскар Радрыгес Марадзьяга заклікаў “не чакаць сюрпрызаў” ад пасяджэнняў
структуры і мець цярплівасць, якая неабходна таксама для рэформаў. У інтэрв’ю італьянскаму
тэлеканалу “Tgcom24” пурпурат адзначыў, што Рада кардыналаў выконвае “сур’ёзную працу,
даследванні” і таму, як і ўсе Божыя справы, патрабуе часу. Кардынал Марадзьяга падкрэсліў,
што галоўнай тэмай лютаўскага пасяджэння Рады будуць пытанні звязаныя з дзейнасцю
Інстытута рэлігійных спраў, вядомага як Ватыканскі банк. “Мы не хочам, каб ён быў
банкам накшталт шматлікіх філіялаў раскінутых па Рыму, як любы іншы банк”, - адзначыў
ён акрэсліўшы накірунак у якім глядзяць пурпураты.