Кардынал Сгрэчча назваў жахлівым і жорсткім легалізацыю права на эўтаназію
Былы старшыня Папскай
акадэміі жыцця кардынал Эліа Сгрэчча назваў “жахлівым і жорсткім рашэннем" прыняцце
13 лютага 2014 г. парламентам Бельгіі закона, які дазваляе ажыццяўлянне эўтаназіі
сярод дзяцей. Іерарх, адзін з вядучых абаронцаў жыцця, у інтэрв’ю для Ватыканскага
радыё адзначыў, што зараз для бельгійскіх дзяцей аборт і эўтаназія “уключаныя ў адну
галіну і страшна падумаць, што там дзеецца”. Пурпурат нагадаў спрэчкі, якія нядаўна
вяліся ў гэтай краіне, калі два навукоўцы былі "за" забіццё дзіцяці, якое нарадзілася
з дэфармацыямі цела. Ужо тады хацелі прымяніць лібэральны закон на здзяйсненне аборта
да ненароджанай чалавечай істоты. “Гэта нешта страшэннае, што робіцца з дзецьмі, не
толькі перад, але таксама і пасля нараджэння”, - сказаў кардынал Сгрэчча і дадаў:
"сёння ў свеце не хапае любові, а трэбы ж толькі крышку чалавечай міласэрнасці і спачування,
каб не дапусціць да гэтага”.
Аднак кардынал бачыць таксама першыя адзнакі змены
сітуацыі ў дачыненні да эўтаназіі. “Разбіўся ўжо дах над заходнім светам у выглядзе
багацця, задавальнення і карысці. Да гэтага часу келіх шчасця хутка кідаўся дзеля
сябе, і такім самым было стаўленне да жыцця”, - сказаў былы старшыня Папскай акадэміі
жыцця.
Новы закон на эўтаназію вельмі моцна асудзіў Епіскапат Бельгіі. Таксама
крытычна да яго аднесліся шматлікія каталіцкія біскупы з цэлага свету і арганізацыі,
якія бароняць жыццё.