Հայաստանի մէջ առաջին անգամ տեղի պիտի ունենան համահայկական ձմեռնային խաղեր
Փետրուար 24-էն Մարտ 2 Հայաստանի մէջ առաջին անգամ տեղի պիտի ունենան Համահայկական ձմեռնային
խաղեր: Խաղերու ցանկին մէջ ընդգրկուած մարզաձեւերէն երեքը` դահուկ, լեռնադահուկ եւ սնոուպորտ,
կը նախատեսուի իրականացնել Ծաղկաձորի մէջ, իսկ հոքէյ մարզաձեւը` Երեւանի Կ. Դէմիրճեանի
անուան մարզահամերգային համալիրին մէջ: Ինչպէս կը տեղեկացնէ համահայկական խաղերու
համաշխարհային կոմիտէն, կը նախատեսուի աւելի քան 18 պետութիւններէ շուրջ 300 մարզիկներու
մասնակցութիւն: Համահայկական խաղերու գաղափարը Սփիւռքի երիտասարդութիւնը Հայաստան
բերելն է, մարմնամարզութեան միջոցով Հայաստանի մարզական կազմակերպութիւններու եւ Հայաստանի
հետ կապելը: Համահայկական ձմեռնային խաղերու կարգախօսն է «Միասնութիւն` մարզանքով»: