Լիբանանի մէջ պապական նուիրակ գերապայծառ Կապրիել Քաչիա շեշտեց, որ Վատիկան կը զօրակցի
Պքերքէի հրապարակած փաստաթուղթին` մաղթելով, որ ժողովրդավարութիւնն ու սահմանադրական
հաստատութիւններուն աշխատանքը, ինչպէս նաեւ սահմանադրական ժամկէտները յարգուին: «Վատիկան
Պքերքէի կողմէ հրապարակուած փաստաթուղթը ուրախութեամբ ստացաւ, որովհետեւ անիկա հիմնուած
է Ֆրանչիսկոս Պապին կեցուածքներուն վրայ: Լիբանանի մասին Վատիկանի պատկերացումը կը նոյնանայ
Մարոնի պատրիարքութեան պատկերացումին հետ», ըսաւ Վատիկանի դիւանագէտը եւ շնորհաւորեց
Պքերքէն անոր հրապարակած Ազգային փաստաթուղթին առումով: Պատասխանելով այն հարցումին,
թէ Մարոնի համայնքի Պշարա Ռայի պատրիարքը Հռոմի մէջ Կարտինալներու խորհուրդի ժողովին
պիտի քննարկէ՞ այդ փաստաթուղթը, Քաչիա յայտնեց, որ Հռոմի մէջ բոլորը տեղեակ են լիբանանեան
իրադարձութիւններէն եւ ի հարկէ` Ռայի պատրիարքը պիտի քննարկէ երկրին իրավիճակն ու Պքերքէի
փաստաթուղթը` Կարտինալներու խորհուրդի նիստին ընթացքին: