Գիւմրի քաղաքի Ռատիօ Մարիամի ներկայացուցիչ՝ Լիլիթ Թորոսեան այցելեց Զմմառու Մայրավանքը

Կիրակի 9 Փետրուար 2014-ին, Զմմառու դարաւոր վանք այցելեց, Հայաստանի Հանրապետութեան հիւսիսային շրջանի, Գիւմրի քաղաքի Ռատիօ Մարիամի ներկայացուցիչ՝ Լիլիթ Թորոսեան: Ռատիօ Մարիամը հիմնադրուած է Իտալիա և այսօր աշխարհի 65 երկիրներու մէջ մասնաճիւղեր ունի: Ռատիօ Մարիամի հաղորդումներու մեծ մասը հոգեւոր և կրօնական նիւթեր են. մաս մըն ալ ընկերային և մշակութային: Այս առթիւ՝ համեստափայլ հիւրը շրջագայեցաւ վանքիս զանազան բաժանմունքները՝ Զմմառու Ցաւագին Տիրամօր Մատուռը, Մայր Տաճարը, թանգարանը, գանձարանը և Գինեմառանը: Այցելութեան աւարտին օրիորդ Լիլիթ իր խորին շնորհակալութիւնը յայտնեց և մեծ տպաւորութեամբ անդրադարձաւ Զմմառու պատմական վանքի մշակութային և հոգեւոր արժէքներու նկատմամբ: