2013-ին Աւելի Քան 900 հազար զբօսաշրջիկ այցելած է Հայաստան
Հայաստանի զբօսաշրջութեան ոլորտի ցուցանիշները կը շարունակեն անշեղօրէն աճիլ. 2013 թուականին
Հայաստան ժամանած է 924 հազար 965 զբօսաշրջիկ: 2012 թուականի համեմատ այդ ցուցանիշն աճած
է է 9.7 տոկոսով: Ըստ «Արմէնփրես»-ի՝ այս մասին կը տեղեկացնէ ՀՀ ազգային վիճակագրական
ծառայութիւնը: 2013 Յունուար-Դեկտեմբերին զբօսաշրջութեան նպատակով Հայաստանէն մեկնած
է 906 հազար 154 մարդ կամ 2012-ի համապատասխան ժամանակաշրջանի համեմատ ցուցանիշը աճած
է 12.3 տոկոսով: 2012 Յունուար-Դեկտեմբերին Հայաստան ժամանած էին 843 330 զբօսաշրջիկներ`
նախորդ տարուան համեմատ անձանագրելով 11.3 տոկոս աճ: Նոյն ժամանակահատուածին զբօսաշրջութեան
նպատակով հանրապետութենէն մեկնած էին 806 555 մարդ կամ 2011-ի համապատասխան ժամանակաշրջանի
նկատմամբ ցուցանիշը աճած էր 12.8 տոկոսով: Հայաստանի Հանրապետութեան մէջ զբօսաշրջութիւնը
իր զարգացման չափերով եւ արդիւնքներով երկրի առաւել զարգացող ճիւղերէն է: Զբօսաշրջութեան
ոլորտի պետական քաղաքականութեան նպատակները սահմանուած են «Զբօսաշրջութեան եւ զբօսաշրջային
գործունէութեան մասին» Հայաստանի Հանրապետութեան օրէնքով եւ 2008 թուականին ՀՀ կառավարութեան
հաւանութեան արժանացած «Զբօսաշրջութեան զարգացման հայեցակարգով: