Пантыфік прывітаў арганізатараў і ўдзельнікаў Алімпіяды ў Сочы
Святы Айцец прывітаў
удзельнікаў і арганізатараў зімовай Алімпіяды ў Сочы і звярнуўся да іх са сваімі пажаданнямі.
9 лютага 2014 г. пасля малітвы “Анёл Панскі” на плошчы св. Пятра папа Францішак нагадаў
сабраным, што “у гэтыя дні ў расійскім Сочы праводзяцца зімовыя Алімпійскія гульні”.
“Я хацеў бы выказаць мае віншаванні арганізатарам і ўсім спартсменам, з надзеяй, што
гэта будзе сапраўднае свята спорту і сяброўства”, - сказаў Пантыфік. Трэба нагадаць,
што ў Сочы нясуць служэнне каталіцкія капеланы. Многія з іх прыбылі з дэлегацыямі
сваіх краін, тры – прадстаўляюць Каталіцкі Касцёл у Расіі. Створана тры міжканфесійных
цэнтры, дзе працуюць каля сотні прадстаўнікоў хрысціянскіх канфесій, ісламу, юдаізму,
будызму і індуізму. Адну з капліц, размешчаную ў горнай вёсцы, католікі выкарыстоўваюць
сумесна з праваслаўнымі.