Святы Айцец здзейсніў змены ў Сакратарыяце Сіноду Біскупаў
Кс. Фабіа Фабэнэ,
раней кіраўнік аддзелу ў Кангрэгацыі па справах Біскупаў, быў прызначаны 8 лютага
2014 г. папам Францішкам падсакратаром Сінода Біскупаў. Італьянскі святар будзе супрацоўнічаць
з генеральным сакратаром Сінода, арцыбіскупам Ларэнца Балдзісэры, якому праз некалькі
дзён будзе нададзена годнасць кардынала. Абодва ведаюць адзін аднаго з моманту супольнай
працы ў Кангрэгацыі па справах Біскупаў, дзе арцыбіскуп Балдзісэры раней быў сакратаором.
Кс. Фабэнэ з’яўляецца пераемнікам свайго суайчынніка кс. Фартуната Фрэца, якога Папа
прызначыў у верасні мінулага года канонікам базылікі св. Пятра.
Францішак хоча
надаць Сіноду Біскупаў, як калегіяльнаму дарадчаму органу Пантыфіка, у будучыні большую
вагу. Асамблеі біскупаў павінны быць, паводле яго жадання, месцам адкрытых дэбатаў.
Наступны Сінод адбудзецца ў кастрычніку гэтага года на тэму душпастырскай апекі сем’яў.