Апостальская Сталіца выступіла за роўны доступ да лячэння і лекаў
Святы Пасад раскрытыкаваў
недастатковае забеспячэнне асноўнымі лекавымі сродкамі ў многіх краінах па ўсім свеце.
У сістэмах аховы здароўя каля 90 дзяржаў людзі атрымоўваюць менш за палову патрэбных
лекаў, паведаміў старшыня Папскай рады пастырства работнікаў сферы аховы здароўя,
арцыбіскуп Зігмунт Зімоўскі. У іх шэрагу знаходзяцца таксама і некаторыя развітыя
краіны. Палітычнае кіраўніцтва павінна забяспечыць, каб усе пласты насельніцтва атрымалі
роўны доступ да медыцынскай дапамогі, “з асаблівым акцэнтам на найбольш уразлівых:
дзяцей, пажылых, бедных і людзей, якія жывуць на краі грамадства”, - сказаў іерарх.
Арцыбіскуп
Зімоўскі нагадаў заклік папы Фрэнцішка падчас яго візіту да бежанцаў на італьянскі
востраў Лампедуза ў 2013 г., каб палітыка мела на мэце не толькі гарантаванне грамадзянскіх
правоў, але і імкнулася да забеспячэння доступу кожнага да базавых матэрыяльных умоў
жыцця.
Каментар ватыканскага іерарха прымеркаваны да “Дня збору лекаў”, які
адзначаецца 8 лютага ў шэрагу еўрапейскіх краін. Ён можа стаць магчымасцю для адлюстравання
духа справядлівасці, міласэрнасці і салідарнасці на карысць роўнага доступу да лячэння
і лекаў ва ўсім свеце і для ўсіх сацыяльных груп, адзначыў арцыбіскуп Зімоўскі і падзякаваў
фармацэўтам і вытворцам фармацэўтычнай прадукцы , якія прынялі і прымуць удзел у гэтым
Дні, ахвяруючы медыкаменты.