Hapen sot Lojrat Olimpike te Soçit: përurim i blinduar nga frika e atentateve
Sot në orën 17.00, do të hapen Lojrat Olimpike Dimërore në Soçi të Rusisë. Veprimtaria
është vitrinë e madhe politike për Moskën, e cila dëshiron të paraqitet edhe një herë
si fuqi e rëndësishme në skenën botërore. Të pranishëm, shumë liderë botërore, disa
prej të cilëve kanë refuzuar të marrin pjesë, për shkak të polemikave mbi homoseksualitetin
me presidentin rus Vladimir Putin. Me shpenzime astronomike, niveli i sigurisë
në Soçi parashikon përdorimin e nëndetëseve, sistemeve kundër raketave, satelitëve
e dronëve, së bashku me mjete të sofistikuara elektronike për të kontrolluar komunikimet.
30 mijë policë janë të pranishëm në zonat, ku do të zhvillohen garat. Rreziku vjen
nga ekstremistët radikalë, që në më pak se tre muaj, arritën të organizojnë disa atentate
në jug të Rusisë. Këto Olimpiada kanë kushtuar 51 miliard dollarë, më të shtrenjtat
e historisë. Rusët kanë harxhuar katër herë më shumë se parashikimi.