Bisedimet Vatikan-Palestinë: hapa të reja përpara për Marrëveshjen Globale
Komisioni dypalësh, ku marrin pjesë Selia e Shenjtë dhe shteti i Palestinës, u mblodh
dje në Ramallah, për të rishikuar e miratuar punën e grupit teknik të përbashkët,
që qe mbledhur në shtatorin e vitit të kaluar, në Vatikan. Kujtojmë se ky Komision
është përgjegjës për arritjen e një Marrëveshjeje Globale, që duhet të ndjekë nënshkrimin
e Marrëveshjes Bazë, më 15 shkurt 2000. “Bisedimet – thuhet në një notë të Sallës
së Shtypit të Selisë së Shenjtë – u zhvilluan në një atmosferë të përzemërt e konstruktive.
Duke disktuar për temat e shqyrtuara në nivelin teknik, Komisioni vuri në dukje me
kënaqësi, përparimet e bëra në hartimin e projektit përfundimtar të Marrëveshjes,
që trajton aspekte thelbësore të jetës dhe të veprimtarisë së Kishës Katolike në Palestinë.
Të dyja palët u impenjuan të vazhdojnë përpjekjet për të përfunduar procedurat e brendshme
dhe ato kushtetuese për nënshkrimin e Marrëveshjes”. Delegacioni palestinez u tregua
entuziast për vizitën e ardhshme të Papës Françesku në Tokën Shenjte, duke i uruar
me gjithë zemër, mirëseardhjen në vendet ku ka shkelur Jezu Krishti.