ՄԱԿ-ի Գլխաւոր Քարտուղարը կոչ ուղղած է ողիմպիականի ընթացքին դադրեցնելու ռազմական բոլոր
հակամարտութիւնները
ՄԱԿ-ի գլխաւոր քարտուղար Պան Գի Մունը կոչ ուղղած է Սոչիի Ողիմպիական խաղերու իրականացման
ընթացքին ամբողջ աշխարհին մէջ դադրեցնելու ռազմական հակամարտութիւնները: Այս մասին, ըստ
Armenpress.am-ի, ան յայտարարած է Սոչիի մէջ Միջազգային ողիմպիական կոմիտէի (ՄՈԿ) 126-րդ
գլխաւոր ասամպլէայի մէջ ունեցած ելոյթին ընթացքին: Պան Գի Մունը ողբերգութիւն համարած
է այն փաստը, որ աշխարհի մէջ դադրեցուած են ոչ բոլոր ռազմական հակամարտութիւնները: «Ատիկա
լուրջ անհանգստութիւն կ’առաջացնէ: Ես բոլորին կոչ կ’ուղղեմ վար դնելու զէնքը թէկուզ Սոչիի
Խաղերու ընթացքին»,- ըսած է ան` պատասխանելով ԻԹԱՌ-ԹԱՍՍ-ի այն հարցին, թէ ինչու աշխարհի
շարք մը երկիրներու մէջ տակաւին արիւն կը հեղու: ՄԱԿ-ի գլխաւոր քարտուղարը առաջին
անգամ ըլլալով մասնակցած է ՄՈԿ-ի նստաշրջանին, որուն զինք հրաւիրած էր կազմակերպութեան
ղեկավար Թոմաս Պախը: