Takim në Tiranë: “Drejtësia sociale dhe qytetaria aktive në Shqipëri”
Të shtunën, më 8 shkurt, në Tiranë, studiues, profesorë, gazetarë e politikanë, do
të mblidhen për të diskutuar mbi “Drejtësinë sociale dhe qytetarinë aktive në Shqipëri”,
në një konferencë, që do të zhvillohet në Hotel Rogner. Takimi organizohet nga Karitasi
Shqiptar, në bashkëpunim me organizatën “Coherent Development Albania” (Zhvillimi
Koherent). Paraditen e së shtunës, do të alternohen në podium, artisti e arkitekti
Maks Velo, që do të flasë për “Drejtësinë sociale dhe organizimin urban në Shqipëri”;
padagogu i Universitetit Papnor Urbanian të Romës, Ardian Ndreca, që do të reflektojë
mbi “Politikën si art dhe si përgjegjësi”, duke vënë në dukje nevojën për qytetari
aktive në Shqipëri; meshtari shqiptar, kolegu i Radios sonë, dom Marjan Paloka, i
cili do të verë theksin në “Thirrjen politike të të krishterit. Vendi i fesë në qytetin
shekullar; e më pas, këshilltari i kryeministrit, Sandër Lleshi, kryeredaktorja e
gazetës “Zëri” në Kosovë, Arbana Xharra, pedagogu i Universitetit norvegjez të Oslos,
Gentian Zyberi, të cilët do të debatojnë mbi çështjen e lidershipit, shfaqjes së ekstremizmave
në shoqëri dhe mbi realitetin e përfshirjes së qytetarëve shqiptarë në sigurimin e
drejtësisë në vend.