Մենք աննկատ կ՛աշխատինք Արցախի տագնապին լուծում գտնելու համար. Քերի
ԵՐԵՒԱՆ, «Նիուզ».- Ամերիկա կը շարունակէ աշխատիլ Լեռնային Ղարաբաղի հիմնախնդիրին ուղղութեամբ.
Կիրակի, Փետրուար 1ին, Միւնիխի մէջ կայացած ու ապահովական հարցերու նուիրուած միջազգային
համաժողովին ընթացքին յայտարարած է Միացեալ Նահանգներու արտաքին գործոց նախարար Ճան Քերի: «Աշխարհի
մէջ չկայ որեւէ տեղ, ուրկէ Ամերիկա կը նահանջէ: Մենք աշխոյժ, խորապէս ու հետեւողականօրէն
կ՛աշխատինք ամէն տեղ եւ մեր նպատակը իրական փոփոխութեան հասնիլն է: Կիպրոսի մէջ մենք
աննկատ կ՛աշխատինք: Դուք անոր մասին չէք լսեր: Կ՛աշխատինք նաեւ Կովկասի մէջ, մասնաւորապէս՝
Լեռնային Ղարաբաղի մէջ», ըսած է Քերի: