Երանելի Յովհաննէս Պօղոս Բ Քահանայապետին օրագրութիւնը լոյս կը տեսնէ Լեհաստանին մէջ,
լեհ Քահանայապետի սրբադասման առթիւ որ նախատեսուած է յառաջիկայ 27 ապրիլին։
Զնաք լեհական տպագրութիւնը յառաջիկայ 5 փետրուարին կը հրապարակէ երանելի Յովհաննէս Պօղոս
Բ Քահանայապետին առանձնական անտիպ օրագրութիւնը 1962-2003։ 640 էջնոց հատորը լոյս
կը տեսնէ լեհ Քահանայապետի սրբադասման, 27 ապրիլ 2014, հեռանկարով։ Իր կտակին մէջ Գարոլ
Ոլդիլա խնդրած էր այրել այդ օրագրութիւնը, սակայն անոր անձնական քարտուղարը` կարտինալ
Սդանիսլաու Չիվիչ դառնալով Գրագովիայի առաջնորդը գնահատած է որ այդ օարագրութիւնը կարող
է նպաստել լաւ ըմբռնելու Յովհաննէս Պօղոս Բ Քահանայապետին հոգեւորութիւնը։ Օրագրութիւնը
կը խօսի Աստուծոյ հետ ունեցած յարաբերութեան, կապը ուրիշներուն եւ ինքնիրեն հետ։ Յովհաննէս
Պօղոս Բ Քահանայապետը վախճանեցաւ 2005-ին 26 տարիներու քահանայապետութեան ետք։ Ան պիտի
սրբադասուի յառաջիկայ 27 ապրիլ 2014ին Հռոմի մէջ երանելի Յովհաննէս 23-րդ քահանայապետին
հետ միասին (1958-1963).։ Սրբադասման արարողութեան կը նախատեսուի մասնակցութիւնը միլիոնաւոր
հաւատացեալներու Յաւիտենական Քաղաքին մէջ