Папа Францішак сустрэнецца з каралевай Елізаветай II
3 красавіка 2014 г.
папа Францішак прыме на аўдыенцыі Елізавету II, каралеву Злучанага Каралеўства Вялікабрытаніі
і Паўночнай Ірландыі. Аб гэтым паведаміў Букінгемскі палац. Навіна была пацверджана
таксама Залай Друку Святога Пасаду. Каралева будзе прабываць у Рыме, у суправаджэнні
свайго мужа Філіпа, герцага Эдынбургскага, па запрашэнні Прэзідэнта Італьянскай Рэспублікі
Джорджа Напалітана. Гэта будзе першая сустрэча паміж папам Францішкам і Елізаветай
II. На інаўгурацыйнай св. Імшы 19 сакавіка 2013 г. Вялікабрытанія была прадстаўлена
герцагам Глостэрскім.
Запрашэнне з боку Прэзідэнта Напалітана было накіравана
ўжо ў мінулым годзе, але каралева і герцаг Эдынбургскі не змаглі прыняць яго, па стане
здароўя.
Апошняя сустрэча Елізаветы II з Папам адбылася ў верасні 2010 г.
у Вялікабрытаніі падчас падарожжа ў краіну Бэнэдыкта XVI. У Ватыкане цяперашнюю каралеву
апошні раз прымалі 17 кастрычніка 2000 г. Тады адбылася яе сустрэча з Янам Паўлам
II. Да гэтага Елізавету II прымаў у 1961 г. Ян XXIII.