Святы Айцец прыняў кіраўніка Незалежнай Дзяржавы Самоа
3 лютага 2014 г. Святы
Айцец Францішак прыняў на аўдыенцыі кіраўніка Незалежнай Дзяржавы Самоа Туіатуа Тупуа
Тамасэсэ Эфі. Затым з палітыкам сустрэўся Дзяржсакратар Яго Святасці Папы арцыбіскуп
Пьетра Паралін, якога суправаджаў арцыбіскуп Дамінік Мамбэрці, сакратар па адносінах
Святога Пасаду з дзяржавамі. У ходзе сардэчных размоў бакі звярнуліся да некаторых
аспектаў сацыяльна-эканамічнага жыцця Самоа, а таксама засяродзіліся на вялікім укладзе
Каталіцкага Касцёла ў розныя сферы грамадства і, у прыватнасці, у развіццё чалавека.
Адбыўся абмен думкамі па міжнародным становішчы, з асаблівым акцэнтам на міждзяржаўнае
супрацоўніцтва і экалагічныя праблемы краін Ціхаакіянскага рэгіёну.