2014-ի քառասնորդացի՝ Ֆրանչիսկոս Սրբազան Քահանայապետի պատգամի ներկայացում։

Երեքշաբթի, 4 փետրուարի առաւօտեան, ժամը 11,30-ին, Վատիկանի մամլոյ գրասենեակի Յովհաննէս Պօղոս Բ անուան սրահին մէջ, տեղի կ՛ունենայ մամլոյ ասուլիս, ներկայացնելու համար Ֆրանչիսկոս Պապի` 2014-ի քառասնորդաց շրջանի պատգամը որ ունի որպէս նիւթ` Պօղոս առաքեալի Կորընթացիներու ուղղած երկրորդ թուղթէն, 8-րդ գլուխի, 9-րդ համարէն քաղուած հետեւեալ խօսքը ''Աղքատացաւ որպէսզի հարստանանք Անոր աղքատութեամբ''։
Մամլոյ ասուլիսի ընթացքին ելոյթ կ՛ունենան Կատրինալ Ռոպերդ Սարահ, Քահանայապետական ''Գոր Ունում'' բարեսիրական մարմնի նախագահ, ''Գոր Ունումի'' քարտուղար` գերապայծառ Ճամբիեդրօ Տալ Թոզօ, խորհուրդի ենթաքարտուղար գերապայծառ Սեկունտօ Թէյատօ Միւնոզ եւ տէր եւ տիկին Տավիտէ Տոթթա ու Աննա Ծունպօ, Հայիթիի կղզիի մէջ աշխարահական առաքեալներ։