Кіраўнік дыкастэрыі патлумачыў сітуацыю з некаторымі манаскімі супольнасцямі
Перад пачаткам Году
кансэкраванага жыцця, запланаванага на 2015 год, ужо павінны быць вядомы канчатковыя
вынікі візітацыі жаночых манаскіх супольнасцяў у ЗША праведзенай Святым Пасадам. Яна
адбывалася ў 2009-2010 гадах. Аб гэтым паведаміў сакратар Кангрэгацыі па справах Інстытутаў
кансэкраванага жыцця і Таварыстваў апостальскага жыцця, арцыбіскуп Хасэ Радрыгес Карбальё.
Візітацыя прайшла па ініцыятыве тагачаснага прэфекта Кангрэгацыі, кардынала Франка
Радэ, каб высветліць, чаму адбылося значнае зніжэнне колькасці законніц у ЗША з 60-х
гадоў мінулага стагоддзя.
Цяперашні прэфект дыкастэрыі, кардынал Жуан Браз
дэ Авіс патлумачыў, што візіт не мае нічога агульнага з загадам Кангрэгацыі Веравучэння
ў 2012 г. рэфармаваць Канферэнцыю вышэйшых настаяцельніц жаночых манаскіх кангрэгацый
ЗША. Сітуацыя была звязана з сумненнямі ў вернасці законніц вучэнню Касцёла ў галіне
абортаў, эўтаназіі, пасвячэння жанчын, гомасэксуалізму і г.д.
Падчас прэс-канферэнцыі
ў Ватыкане 31 студзеня 2014 г., прэфект і сакратар Кангрэгацыі выказаліся на тэму
вызначэння ў жніўні 2013 г. камісара для назірання за мужчынскай манаскай супольнасцю
Францішканаў Беззаганнай. Папа абавязаў іх да цэлебрацыі літургіі ў звычайным абрадзе,
прынятым пасля ІІ Ватыканскага Сабору. Арцыбіскуп Карбальё патлумачыў, што вылучэнне
камісара было вынікам апостальскай візітацыі, падчас якой 74% членаў манаскай супольнасці
папрасілі ў пісьмовай форме тэрміновага ўмяшання Святога Пасаду ў вырашэнне унутраных
праблем. Ён дадаў, што навязванне з боку генеральнага настаяцеля надзвычайнага абраду
цэлебрацыі Эўхарыстыі не было галоўным матывам гэтага рашэння.