Ֆրանչիսկոս Սրբազան Քահանայապետին պատգամը ուղղուած Քէպէքի ''Իլ Վէրդ'' շրջանի ծերանոցի
հրդեհի զոհերուն ընտանեկան պարագաներուն ։
Քէպէքի եպիսկոպոսական համահաւք դասը, 29 յունուարին, համահաւաք դասի կայքի վրայ հրատարակած
է Վատիկանի Պետական քարտուղար` գերապայծառ Փարոլինի ստորագրութիւնը կրող` Ֆրանչիսկոս
Սրբազան Քահանայապետի ցաւակցական մէկ նամակը՝ ուղղուած անցեալ 22 յունուարին, Քանատայի
Քէպէք քաղաքին մէջ գտնուողծերանոցի մէջ պատահած ուժգին հրդեհի զոհերու ընտանեկան պարագաներուն եւ վիրաւորներուն։
Իր պատգամին մէջ, Նորին Սրբութիւնը անդրադարձած է ահաւոր աղէտին, որ պատճառած է բազմաթիւ մեռեալներ եւ վիրաւորներ, իր մօտիկութիւնը եւ աղօթքները յայտնած է զոհերու ընտանեկան պարագաներուն եւ վիրաւորներուն, ինչպէս նաեւ՝ երախտագիտական խօսք ուղղած է՝ կամաւորներուն եւ հրշէջներուն՝ ընծայած օգնութիւններուն եւ աշխատանքին համար։
Ֆրանչիսկոս Պապը իր պատգամի աւարտին , բոլորին ջամբած է յատուկ
առաքելական օրհնութիւն։
| All the contents on this site are copyrighted ©. |