Папа Францішак звярнуўся
29 студзеня 2014 г. падчас агульнай аўдыенцыі да прадпрымальнікаў з просьбай ствараць
працоўныя месцы і заклікаў крэдытныя і іпатэчныя кампаніі да стрыманасці ў атрыманні
надмерных працэнтаў. Звяртаючыся да супрацоўнікаў італьянскай фірмы “Shellbox”, якая
нядаўна абвясціла сябе банкротам, Святы Айцец падкрэсліў, што праца з’яўляецца крыніцай
годнасці, і звярнуўся да кампетэнтных асоб прыняць неабходныя намаганні для забеспячэння
ёй. Вітаючы на аўдыенцыі дэлегацыю супрацоўнікаў італьянскай асацыяцыі, якая супрацьстаіць
ліхвярству, Францішак заклікаў іх мабілізаваць сілы для барацьбы з гэтым драматычным
сацыяльным бедствам. “Калі нейкая сям’я не мае нічога, каб есці, таму што павінна
пагасіць крэдыт ліхвярам, гэта не па-хрысціянску! Негуманна! Гэта драматычная сацыяльная
чума б’е ў недатыкальную годнасць чалавечай асобы”, - сказаў Святы Айцец.