Святы Айцец выказаў блізкасць да пакутуючых ад праказы
Штогод у апошнюю нядзелю
студзеня адзначаецца Сусветны дзень барацьбы з праказай. Яго мэта – прыцягнуць увагу
да праблемы не толькі медыцынскай, але і шырокай сусветнай грамадскасці, органаў адміністрацыі
кіравання, грамадскіх арганізацый, дзелавых колаў, дабрачынных фондаў, рэлігійных
супольнасцяў і прыватных асоб. 26 студзеня 2014 г. падчас малітвы “Анёл Панскі” папа
Францішак нагадаў аб абавязку хрысціян клапаціцца аб хворых, асабліва церпячых на
цяжкія захворванні, такія як праказа. “Гэтая хвароба, хаця і паменшваецца, аднак надалей
кранае яшчэ шматлікіх людзей, асабліва тых, якія жывуць ва ўмовах крайняй нястачы”,
- сказаў Папа і заклікаў да салідарнасці з гэтымі братамі і сёстрамі. Францішак заклікаў
вернікаў маліцца за іх і за тых, хто клапоціцца пра іх і ў розныя спосабы імкнецца
перамагчы гэту хваробу.
У 2013 г. у свеце было зафіксавана больш за 230 тыс.
выпадкаў новых захварэнняў на праказу. Асноўнай прычынай захварэнняў з’яўляецца недастатковы
доступ людзей да сродкаў дыягностыкі і адукацыі, а таксама недахоп гігіенічна-санітарных
дзеянняў.