U kremtua sot Dita e 61-të e të sëmurëve nga lebra, apo gërbula. Pavarësisht nga përpjekjet,
kjo sëmundje akoma nuk është zhdukur krejtësisht, duke goditur jo vetëm fizikisht,
por edhe moralisht e psikologjikisht të sëmurët e familjarët e tyre. E kurueshme që
nga viti 1980 me një trajtim polikimioterapik, Sëmundja e Hansenit vazhdon të përhapet
në vendet e varfëra. Llogaritet se të sëmurët arrijnë shifrën 6 milion. Dy vendet,
ku sëmundja është më e përhapur, janë India dhe Brazili. Kjo Ditë është rasti
për të kujtuar se në nëntor 2010, OKB-ja miratoi “Parimet dhe direktivat për zhdukjen
e diskriminimit kundër të sëmurëve nga gërbula e familjarëve të tyre”. Ky dokument
i impenjon vendet dhe institucionet të respektojnë të drejtat e hansenianëve.