Ministria e Drejtësisë dhe Karitasi i Kosovës nënshkruan dje një Memorandum bashkëpunimi,
që ka të bëjë me integrimin e të burgosurve në shoqëri, pas lirimit. Dokumenti u
nënshkrua nga zëvendëskryeministri dhe ministri i Drejtësisë, Prof. Dr. Hajredin Kuçi,
dhe drejtori i përgjithshëm i Karitasit të Kosovës, Don Viktor Sopi. Sipas Memorandumit,
Karitasi i Kosovës do t’u ofrojë të burgosurve formim për profesione të caktuara,
që ata mund të ushtrojnë pas daljes nga burgu. Projekti do të realizohet në Qendrën
Korrektuese të Lipjanit.