ԵՐԵՒԱՆ, «Նիուզ».- Կէս տարուան պարտադիր ընդմիջումէ ետք, Չորեքշաբթի, Յունուար 22ին,
Հալէպի միջազգային օդակայանը վերսկսած է իր աշխատանքին. այս մասին տեղեկացուցած է Հալէպի
Հայց. առաքելական եկեղեցւոյ Բերիոյ թեմի մամլոյ ծառայութիւնը՝ նշելով, որ Հալէպի օդակայանին
մէջ Յունուար 22ին վայրէջք կատարած է օդանաւ մը: Քանի մը ամիս սուրիական բանակը ծանր
մարտեր մղած էր՝ Հալէպի միջազգային օդակայանի շրջակայ տարածքը ահաբեկչական խմբաւորումներէ
մաքրելու համար: Սուրիական բանակը Հալէպի միջազգային օդակայանի տարածքը քանի մը օր առաջ
ապահով հռչակած էր: