Папа: хрысціяне павінны зачыніць дзверы для рэўнасці, зайздрасці і плётак
Хрысціяне павінны
зачыніць дзверы для рэўнасці, зайздрасці і плётак, лічыць Святы Айцец. На яго думку,
гэтыя адмоўныя рысы здольны знішчыць любую перамогу. “Рэўнасць прыводзіць да забойства.
Зайздрасць прыводзіць да забойства. Гэта тая брама, брама зайздрасці, праз якую д’ябал
увайшоў у свет”, - сказаў Францішак падчас ранішняй Эўхарыстыі ў Доме св Марты 23
студзеня 2013 г. Рэўнасць і зайздрасць – гэта тыя рэчы, якія дзеляць хрысціянскую
супольнасць, гэта “моцны яд”. Гэтыя рысы, калі з імі не змагацца, абавязкова прывядуць
да горычы, сказаў Папа. Такі чалавек не ведае, што такое радасць, бо глядзіць не на
тое, што ў яго ёсць, а шкадуе аб тым, чаго ў яго няма. Ён становіцца “сейбітам горычы”
ва ўсёй супольнасці. Другім плёнам рэўнасці і зайздрасці з’яўляюцца, на думку Пантыфіка,
плёткі. Францішак звярнуў увагу на тое, колькі “выдатных хрысціянскіх супольнасцяў”
былі знішчаны толькі таму, што ў аднаго з іх членаў усяліўся “чарвяк рэўнасці і зайздрасці”.
“Чалавек, які знаходзіцца пад уплывам зайздрасці і рэўнасці – забівае”, - падкрэсліў
Папа і заклікаў маліцца “за нашы хрысціянскія супольнасці”, каб насенне рэўнасці і
зайздрасці не прасрастала на іх глебе.