Кс. Ламбардзі пацвердзіў,
што Апостальскай Сталіцай вывучаецца магчымасць падарожжа папы Францішка ў Азію, у
прыватнасці ў Паўднёвую Карэю, з нагоды вялікай сустрэчы каталіцкай моладзі гэтага
кантынента, якая адбудзецца ў сярэдзіне жніўня 2014 г. Акрамя таго, сказаў кіраўнік
Залы Друку падчас сустрэчы з журналістамі, Папе было скіравана запрашэнне здзейсніць
візіт у Сараева, але Пантыфік яшчэ не даў на яго адказ. Яшчэ адно запрашэнне тычылася
візітаў на Шры-Ланку і Філіпіны. Магчымасць падарожжаў у гэтыя краіны вывучаецца,
але яны не будуць уключаны ў графік Святога Айца на 2014 г, адзначыў кс. Ламбардзі.