Արամ Ա. Կաթողիկոսին այցելեց Եկեղեցիներու Համաշխարհային Խորհուրդի ընդհանուր քարտուղարը
Ժընեւ ժամանման առաջին իսկ օրը, վեհափառ հայրապետը իր իջեւանած պանդոկին մէջ ընդունեց
այցելութիւնը Եկեղեցիներու համաշխարհային խորհուրդի ընդհանուր քարտուղար դոկտ. Օլաֆ Թուէյթի`
Միջին Արեւելքի պատասխանատուին հետ միասին: Անոնք ունեցան երկար հանդիպում մը, որուն
ընթացքին լայնօրէն քննարկուեցաւ «Ժընեւ-2» խորհրդաժողովին գծով Եկեղեցիներու համաշխարհային
խորհուրդին ծրագրած համագումարը, որուն պատրաստութեան ընթացքին մէջ վեհափառ հայրապետը
կարեւոր դեր ունեցաւ: Այս առիթով, անոնք նաեւ անդրադարձան ընդհանրապէս Եկեղեցիներու
համաշխարհային խորհուրդի գործունէութեան կարգ մը մարզերուն: Այս ծիրին մէջ վեհափառ հայրապետը
իր ունեցած միջեկեղեցական լայն փորձառութեան լոյսին տակ կարգ մը մատնանշումներ ու թելադրութիւններ
կատարեց: