Երկուշաբթի, 13 յունուար 2014-ին, Արամ Ա. կաթողիկոս մեկնեցաւ Ժընեւ` ընկերակցութեամբ
Թեհրանի հայոց թեմի առաջնորդ Սեպուհ արք. Սարգիսեանի: Վեհափառ հայրապետը հանդիպումներ
եւ խորհրդակցութիւններ պիտի ունենայ Սուրիոյ քրիստոնեայ համայնքներուն առնչուած մտահոգութիւններուն
շուրջ` «Ժընեւ-2» խորհրդաժողովին լոյսին տակ: Այս գծով, վերջին օրերուն վեհափառը խորհրդակցած
էր Ռայի պատրիարքին (մարոնի), Եազիժի պատրիարքին (յոյն ուղղափառ) եւ Զաքքա պատրիարքին
(ասորի ուղղափառ), ինչպէս նաեւ համայնքային ու քաղաքական պատասխանատուներուն հետ` քրիստոնեայ
համայնքներու հաւաքական տեսակէտները եւ մօտեցումները յստակեցնելու ու համադրելու առաջադրութեամբ