Papa Françesku rison Komisionin kardinalor për mbikqyrjen e IOR-it

Papa Françesku miratoi sot përbërjen e re të Komisionit kardinalor të mbikqyrjes së Institutit për Veprat Fetare, apo IOR, siç njihet gjerësisht. Në të bëjnë pjesë kardinajtë: Christoph Schönborn, kryeipeshkëv i Vienës; Thomas Christopher Collins, kryeipeshkëv i Torontos; Jean-Louis Tauran, kryetar i Këshillit Papnor për Dialogun Ndërfetar; Santos Abril y Castelló, kryeprift i Bazilikës Papnore të Zojës së Madhe, e Sekretari i Shtetit të Vatikanit, imzot Pietro Parolin.