Кардынал: Касцёл у Лацінскай Амерыцы знаходзіцца ў асаблівай пазіцыі
“Радасць быцця місіянерамі”,
такі тытул атрымаў сёлета Іспана-амерыканскі дзень, які адзначае місійнае служэнне
іспанскіх дыяцэзіяльных святароў у Лацінскай Амерыцы. Старшыня Папскай камісіі па
Лацінскай Амерыцы, кардынал Марк Уэле, скіраваў спецыяльнае пасланне з гэтай нагоды,
у якім адзначыў, што пантыфікат Францішка ўяўляе сабой зварот да актывізацыі і паглыблення
сувязяў, якія аб’ядноўваюць Іспанію і Лацінскую Амерыку. Іерарх нагадаў словы Пантыфіка
аб тым, што хрысціяне, пакліканыя несці Хрыста, “не могуць мець сумнага твару”. Яны
павінны выпраменьваць радасць, вынікаючую з веры. Папа лічыць новую евангелізацыю
асноўная мэтай і прыярытэтам працы Касцёла сёння. Менавіта радасці патрабуюць многія,
хто мае фізічныя і душэўныя траўмы. Менавіта хрысціянскую радасць трэба супрацьставіць
індывідуалізму, заняпаду веры, песімізму і стомленасці веры. Кардынал Уэле заклікае
вернікаў да салідарнасці з беднымі, хворымі, прыгнечанымі, ахвярамі няпоўных сем’яў,
спакушанымі наркотыкамі, тымі, хто не прымае рэлігійнае вымярэнне, губляючы тым самым
сэнс жыцця.
На думку кардынала, кожны хрысціянін павінен абнавіць сваю місійную
сутнасць і стаць місіянерам перш за ўсё на “гуманітарных перыферыях”. Іерарх нагадаў,
што абвяшчэнне Евангелля не можа быць дасягнута толькі шляхам асабістых намаганняў
чалавека, трэба пакладаць надзею ў Хрысце. На яго думку, з пантыфікатам папы Францішка,
Божы Провід паставіў Касцёл у Лацінскай Амерыцы ў асаблівай пазіцыі, што прымушае
задумацца аб новых заданнях, патрэбах і выкліках. Кардынал Уэле адзначыў, што Касцёл
у Лацінскай Амерыцы значна лепш дасведчаны і актыўны і выказаў надзею, што яго дзейнасць
і служэнне выйдуць за рамкі кантынентальных межаў для супрацоўніцтва з евангелізацыйным
служэннем Папы.