Սուրիոյ Նախագահին կինը այցելած է զոհուած զինուորականներու փոքրիկներու գիշերօթիկ դպրոց
Սուրիոյ նախագահին կինը Ասմա ալ Ասատ այցելած է զոհուած զինուորականներու զաւակներու
գիշերօթիկ դպրոց: Այս մասին կը հաղորդէ սուրիական ՍԱՆԱ գործակալութիւնը: Դպրոցի աշակերտները
այս օրերուն կը գտնուին առաջին կիսամեակի քննութիւններու մէջ: Սուրիոյ առաջին տիկինը
ծանօթացած է դպրոցականներու ուսուցման պայմաններուն եւ գիշերօթիկ դպրոցներու գլխաւոր
տեսուչ Շահիր Ֆալիւհէն հետաքրքրուած է քննաշրջանի ընթացքին մասին: Ասմա ալ Ասատ դպրոցականներուն
յաջողութիւն մաղթած է, որպէսզի անոնք յետագային իրենց մասնակցութիւնը ունենան երկրի բարօրութեան
կերտման գործին մէջ: Ան ընդգծած է, որ յանուն հայրենիքի զոհուածները արժանի են պետութեան
մեծարանքին: Ֆալիւհ շնորհակալութիւն յայտնած է նախագահի տիկնոջ՝ զոհուածներու զաւակներուն
հանդէպ մշտական ուշադրութեան համար եւ անոր տեղեկացուցած այն քայլերուն մասին, որոնք
ձեռնարկուած էին ուսումնական գործընթացի շարունակման համար: