Փութին-Ռուհանի հեռաձայնային հաղորդակցութիւն
«ՌԻԱ Նովոսթի» լրատու գործակալութիւնը` վկայակոչելով Քրեմլինի մամլոյ ծառայութիւնը, կը
հաղորդէ, որ Ռուսիոյ նախագահ Վլատիմիր Փութին Իրանի նախագահ Հասան Ռուհանիի հետ ունեցած
հեռաձայնային հաղորդակցութեան մը ընթացքին քննարկած է Իրանի հիւլէական թղթածրարին վերաբերող
հարցեր եւ Սուրիոյ հարցով «Ժընեւ-2» միջազգային խորհրդաժողովին պատրաստուելու հարցը:«Քննարկուած են տարբեր մարզերու մէջ երկկողմանի փոխշահաւէտ համագործակցութեան զարգացման առնչուող հարցեր, ինչպէս նաեւ արդի միջազգային խնդիրներ, ներառեալ` Սուրիոյ մէջ կացութիւնը եւ իրանեան հիւլէական ծրագիրին շուրջ համաձայնութիւններու իրականացումը», կը նշուի Քրեմլինի հաղորդագրութեան մէջ:
Սուրիոյ վերաբերեալ միջազգային խորհրդաժողովը նախատեսուած է կայացնել 22 յունուարին Զուիցերիոյ Մոնթրէօ քաղաքին մէջ:
Իրանի մասնակցութեան վերաբերեալ տակաւին որոշում գոյութիւն չունի:
| All the contents on this site are copyrighted ©. |