Святы Айцец: тэрмометр жыцця Касцёла паказвае нізкую тэмпературу веры
“Касцёл поўны хрысціян
пераможаных”, хрысціян, якія “вераць напалову”, адзначыў з жалем Святы Айцец 10 студзеня
2013 г. Трэба мець мужнасць давяраць Богу, бо “вера можа ўсё” , яна “перамагае свет”,
лічыць ён. “Той, хто жыве ў Богу, той, хто народжаны ад Бога, хто прабывае ў любові
– пераможа свет”, - гэта думка была ў цэнтры гаміліі папы Францішка падчас ранішняй
св. Імшы. Трагічна, паводле Пантыфіка, што Касцёл сёння складаецца з вялікай колькасці
людзей, якія не вераць у яго перамогу. На думку Францішка, “тэрмометр жыцця Касцёла”
паказвае сёння нізкую тэмпературу веры. Найлепшым вызнаннем веры, лічыць ён, з’яўляецца
яе захаванне і давер да Бога. Праблема многіх хрысціян са “слабой надзеяй” у тым,
што не маюць у сабе сілы і мужнасці даверыцца Пану. Але толькі абапіраючыся на Бога
мы можам стаць пераможцамі, нагадаў сабраным у Доме св. Марты папа Францішак.