Ватыканскі кардынал сустрэнецца з сірыйскімі бежанцамі
Ватыканскі кардынал
сустрэнецца з сірыйскімі бежанцамі ў Ліване. Прэфект Кангрэгацыі па справах Усходніх
Касцёлаў, кардынал Леанарда Сандры, накіраваўся 10 студзеня 2013 г. з 4-дзённым візітам
у гэту блізкаўсходнюю краіну. Ён перакажа ўцекачам матэрыяльныя сродкі, якія маюць
на мэце палепшыць умовы іх прабывання ў Ліване. Асноўнай жа прычынай візіту з’яўляецца
біскупская сакра новага Апостальскага вікарыя сірыйскага Алепа Жоржа Абу Хазена. Урачыстасць
адбудзецца 11 студзеня ў Бейруце, паколькі ў Сірыі працягваецца ваенны канфлікт. Падчас
візіту запланавана сустрэча ватыканскага кардынала з каталіцкімі выкладчыкамі і студэнтамі.