Ва ўсім свеце назіраецца
ўзрост пераследу хрысціян, вынікае з новага даследавання міжнароднай хрысціянскай
ініцыятывы „Open Doors” (Адчыненые дзверы). Згодна са штогадовым дакладам, апублікаваным
8 студзеня 2014 г. (Weltverfolgungsindex-2014), першае месца займае камуністычная
Паўночная Карэя. За пераследам хрысціян у 36 з 50 краін, даследаваных арганізацыяй
стаіць “ісламскі экстрэмізм”. У дадатак да выпадкаў насілля ў сваім дакладзе “Open
Doors” звяртае ўвагу на асноўныя прычыны, якія прыводзяць да пераследу. У перыяд з
1 лістапада 2012 г. па 31 кастрычніка 2013 г. найбольшыя ганенні на хрысціян адбыліся
ў Паўночнай Карэі, Афганістане, на Мальдывах, у Самалі і Саудаўскай Аравіі. Вельмі
дрэнная сітуацыя ў Цэнтральнаафрыканскай Рэспубліцы, Сірыі, Пакістане, Егіпце і Іраку.
У
Паўночнай Карэі, паводле ацэнак, больш за 200 тыс. асоб сядзяць у турмах па палітычных
матывах і з-за рэлігійных перакананняў. Найбольшае павелічэнне насілля ў адносінах
да хрысціян арганізацыя адзначыла ў Самалі. Радыкальна змянілася сітуацыя ў Сірыі,
дзе існуе адкрытае насілле супраць паслядоўнікаў Хрыста з боку радыкальных груповак
ісламістаў. Становішча хрысціян пагоршылася і ў азіяцкіх краінах, перш за ўсё, у Кітаі
і В’етнаме.