Хрысціянін павінен
адрозніваць тое, што ад Бога, ад таго, што зыходзіць ад ілжэпрарокаў, падкрэсліў папа
Францішак. Ён спаслаўся на фрагменгт Першага паслання св. Яна і працытаваў апостала,
які заклікае “правяраць духаў”, каб зразумець, што адводзіць нас ад Бога, а што набліжае
да Яго. “Наша сэрца заўсёды мае жаданні, памкненні, думкі”, - сказаў Пантыфік і заклікаў
“сачыць” за ім. Францішак нагадаў крытэрый, які св. Ян прапануе для распазнання “Божага”
ад “антыхрыстава” – “кожны дух, які вызнае, што Езус Хрыстус прыйшоў у целе, ёсць
ад Бога; і кожны дух, які не вызнае Езуса, той не ад Бога; гэта дух антыхрыста”. Знакамі
хрыстовага духа з’яўляюцца пакора і прыніжэнне. Калі жаданні нашага сэрца суправаджаюцца
самадастатковасцю і ганарыстасцю – яны не ад Хрыста, падкрэсліў Папа. Усе тры прапановы,
якія зрабіў д’ябал Езусу падчас спакушэння на пустыні мелі на мэце адвесці ад шляху
служэння, пакоры, прыніжэння і міласэрнасці, дадаў ён.
Пантыфік запрасіў кожнага
задумацца над тым, што адбываецца ў яго ўласным сэрцы, задаць сабе пытанне: “ці я
заўсёды выбіраю рэчы, якія паходзяць ад Бога?”. Ён заклікаў не забывацца, што крытэрыем
“праверкі духаў” з’яўляецца ўцелаўлёнае Слова – Езус Хрыстус.