Другі замежны візіт Папы ў складаных палітычным і рэлігійным кантэкстах
Роўна праз 50 гадоў
пасля першай сустрэчы лідэраў Цэркваў Усходу і Захаду ў Іерусаліме папа Францішак
абвясціў аб сваім візіце ў Святую Зямлю. Гэта адбылося у нядзелю 5 студзеня 2013 г.
З 24 па 26 мая ён хоча наведаць Аман, Бэтлеем і Іерусалім – у памяць аб гістарычнай
сустрэчы папы Паўла VI і Патрыярха Афінагора 5 студзеня 1964 г. У той час упершыню
з моманту расколу ў 1054 г. лідэры хрысціянскіх Усходу і Захаду сустрэліся паміж сабой. У
памяць аб гэтым спатканні Францішак хоча сустрэцца ў базыліцы Гробу Пана ў Іерусаліме
з Патрыярхам Канстантынопальскім Барталамеем I. Там плануецца экуменічнае набажэнства,
на якое будуць запрошаны і прадстаўнікі іншых хрысціянскіх Цэркваў.
Дакладная
праграма другой замежнай паездкі Францішка пакуль не апублікавана. Вядома, аднак,
што з яе быў выключаны, з меркаванняў бяспекі, візіт у сірыйскі Дамаск. Плануецца,
што ў Амане Пантыфік сустрэнецца з каралём Абдалой II, а ў Палестыне – з Махмудам
Абасам. У Іерусаліме адбудуцца сустрэчы з прадстаўнікамі юдаізму і палітычным кіраўніцтвам
Ізраіля.
Пілігрымка будзе адбывацца ў іншых палітычных ўмовах, чым гэта было
50 гадоў таму – сёння Блізкі Усход з’яўляецца вялікай гарачай кропкай свету. Акрамя
таго, за апошнія паўстагоддзя змяніўся і кантэкст экуменічнага дыялогу з праваслаўем
і кантактаў з юдаізмам і ісламам.