Në Kinë, Papa Françesku zgjidhet ndërmjet 10 njerëzve më të rëndësishëm të vitit 2013
Për kinezët, Papa Françesku bën pjesë në grupin e 10 njerëzve-kyç të vitit 2013. Kështu
mendojnë 50 përfaqësues të mediave, të shoqatave të gazetarëve e të diplomatëve, ndër
më të rëndësishmet e Kinës. Zgjedhja, me votim të hapur, u bë gjatë Forumit XV Ndërkombëtar
të Shtypit, që u zhvillua më 15 dhjetor në Hainan. Lajmi u bë i njohur më 24 dhjetor
dhe u pasqyrua në të gjitha mediat e Kinës. Në klasifikimin e 10 njerëzve më të
rëndësishëm të botës, sipas kinezëve, Papa Françesku zë vendin e tretë. Deri tani,
në Kinën komuniste, asnjë personalitet fetar e aq më pak një papë mund të ishte i
pranishëm në këtë listë, që hartohet vit për vit nga Forumi. Zgjedhja e Papës Bergolio
erdhi menjëherë pasi Ati i Shenjtë u deklarua njeriu më i rëndësishëm i vitit nga
revista amerikane “Time”.