Сакратар Папскай рады: ёсць патрэба ў “самарытанскай дэмакратыі”
Папа Францішак бычыць
у хрысціянстве, з яго абвяшчэннем Евангелля братэрства, своеасаблівую падтрымку для
пабудовы справядлівага і мірнага грамадства, лічыць сакратар Папскай рады “Iustitia
et pax”, італьянскі біскуп Марыё Тоза. Каментуючы пасланне Святога Айца на Сусветны
дзень міру, які адзначаўся 1 студзеня 2014 г., іерарх звярнуў увагу на тое, што ў
ім, Францішак прадставіў братэрства ў якасці “утвараючага прынцыпа сацыяльнай рэчаіснасці”.
Паводле іерарха, братэрства, прынятае ў сферы эканомікі і фінансаў, можа дапамагчы
перамяніць іх у “сяброў чалавека”, можа паставіць іх на службу асобам, рэальнай эканоміцы,
працы, прадпрыемствам, мясцовым супольнасцям, як гэтага жадаў Бэнэдыкт XVI у сваёй
энцыкліцы “Caritas in veritate” (Любоў у праўдзе).
“Братэрства можа падтрымаць
– паводле папы Францішка – зняцце масак з фальшывых ідэалогій, якія бароняць абсалютную
аўтаномію рынкаў, адмаўляць права кантролю з боку дзяржаваў, абавязаных клапаціцца
пра супольнае дабро”, - сказаў біскуп Тоза.
На думку ватыканскага іерарха прынцып
братэрства можа дапамагчы ў пераглядзе сучаснай дэмакратыі, якая набыла “неаўтылітарыскія”
і “неаіндывідуаліскія” рысы, што не прадугледжваюць клопат пра супольнае дабро, а
наадварот – беднасць некаторых катэгорый грамадзян і абыякавасць да іх стану.
У
сувязі з гэтым, біскуп Тоза адзначыў важнасць “самарытанскай дэмакратыі”, якая прадугледжвае
ўвагу да грамадзян, якія апынуліся ў цяжкай сітуацыі, звязанай напрыклад з адсутнасцю
працы ці сацыяльнай маргіналізацыяй.
Паводле іерарха, сёння неабходна казаць
пра тое, што неабходна новае грамадства ў якім будзе месца для ўсіх і якім усе павінны
супрацоўнічаць на карысць супольнага дабра. “Не гаворыцца толькі пра змену кіраўнікоў
і твараў. Трэба, каб прадстаўнікі былі падрыхтаваныя і адданыя супольнаму дабро, у
супрацоўніцтве з грамадзянамі, якіх прадстаўляюць”, - сказаў ватыканскі біскуп.