Թուրքիոյ պետութիւնը քահանաներուն ամսաթոշա՞կ պիտի յատկացնէ
«Մարմարա» կը հաղորդէ, որ ըստ թրքական «Աքշամ» օրաթերթի աշխատակից Հաքքը Քուրպանի ստորագրութեամբ
հրապարակուած լուրի մը, Հանրային հարցաքննութիւններու խորհուրդը, հայ քահանայի մը դիմումին
ընդառաջելով, սկսած է քննել տարբեր կրօններու հոգեւորականներուն եւս ամսաթոշակ յատկացնելու
խնդիր մը: Այս նպատակով նշեալ խորհուրդի ղեկավար Մեհմետ Էլքաթմըշ անջատ հանդիպումներ
ունեցած է հրեաներու, հայերու եւ ասորիներու հոգեւոր պետերուն հետ: Էլքաթմըշ Պոլսոյ
հայոց պատրիարքարան այցելելով տեսակցութիւն մը ունեցած է Պատրիարքական ընդհանուր փոխանորդ
Արամ արք. Աթեշեանի հետ: Ան նամակներ յղելով նաեւ առնչակից նախարարութիւններու եւ հաստատութիւններու
կարծիքը հարցուցած է: «Մարմարա» կը նշէ, որ եթէ այս քայլերը դրական արդիւնք տան, քրիստոնեայ
կամ հրեայ հոգեւորականներն ալ պետութենէն ամսաթոշակ պիտի ստանան: