Архіепіскап Кентэрберыйскі лічыць Папу сваім “чалавекам году”
Архіепіскап Кентэрберыйскі
Джасцін Уэлбі прызнаўся, што лічыць папу Францішка сваім асабістым “Чалавекам года”.
Прымас Англіканскай Царквы назваў Святога Айца “незвычайным чалавекам”, з якім нават
не мае адвагі сябе параўноўваць. У інтэрв’ю радыё BBC Джасцін Уэлбі выказаў меркаванне,
што Францішак быў “незвычайна паспяховым” у наданні новага накірунку Каталіцкаму Касцёлу.
Напрыканцы 2013 г. “Чалавекам года” абвясціў папу Францішка ўплывовы амерыканскі часопіс
“Times”. Папа “не імкнецца да славы і поспеху”, бо “яго служэнне – абвяшчаць Евангелле
Божай любові ўсім”, - заявіў прадстаўнік Святога Пасаду кс. Фэдэрыка Ламабардзі, каментуючы
гэты факт. “Калі гэта прыцягвае людзей і дае ім надзею, Папа шчаслівы”, - дадаў ён.