"Œuvre d’Orient" կոչուած քրիստոնեայ մարդասիրական ընկերակցութիւնը կը ցուցադրէ արեւելեան քրիստոնեայ ժառանգութիւնը։

''Նահապետական ողջ ժառանգութիւն''։

18 յունուարէն 6 փետրուար "l’Œuvre d’Orient" կոչուած քրիստոնեայ մարդասիրական ընկերակցութիւնը Փարիզի մէջ կը ցուցադրէ Միջին Արեւլքի քրիստոնեայ նահապետական ողջ ժառանգութիւնը։ Կազմակերպիչներու նպատակն է նոր սերունդին մօտէն ճանչցնել Միջին Արեւլքի քրիստոնեայ դարաւոր ժառանգութիւնը, որ սկիզբ առաւ քրիստոնէութեան արշալոյսին եւ ներկայիս վտանգի մէջ է Միջին Արեւելքի զինեալ ընդհարումներու ու մահմետական ծայրայեղներու պատճառաւ։ Յայտնենք որ Փարիզի քրիստոնեայ մարդասիրական ընկերակցութիւնը 150 տարիէ կը գործէ Միջին Արեւլքի քրիստոնեաներու բարիքին եւ անոր ժառանգութեան ճանաչումին ու պահպանումին ի նպաստ։ Ցուցահանդէսը այցելողը առիթ պիտի ունենայ մօտէն ճանչնալու Միջին Արեւելքի քրիստոնեայ ժառանգութեան պատմական, մշակութային ու հոգեւոր հարստութիւնները։ Ուխտաւորները հրաւիրուած են նաեւ այցելելու մայրաքաղաքի կաթողիկէ արեւելեան ինը եկեղեցիներ։