Пантыфік: жыццё ў Хрысце нараджае імкненне жыць у братэрстве
1 студзеня Каталіцкі
Касцёл адзначае Сусветны дзень міру. Ён быў устаноўлены папам Паўлам VI 8 снежня 1967
г. і ўпершыню адзначаўся 1 студзеня 1968 г. Мэта гэта дня заключаецца ў тым, каб прысвяціь
першы дзень новага года асабліваму разважанню і малітве аб міры. З гэтай нагоды, традыцыйна,
Рымскія Пантыфікі скіроўваюць спецыяльнае пасланне ў якім закранаюць найбольш актуальныя
пытанні і праблемы звязаныя з мірам і справядлівасцю на планеце. Сёлетняе пасланне
папы Францішка было апублікавана 12 снежня 2013 г. Яно прысвечана тэме братэрства
і ўказвае на яго, як на “аснова міру і шлях да яго”. У сваім дакуменце Пантыфік,
адзначыў, што “сучасныя этычныя сістэмы няздольныя ствараць сапраўдныя сувязі братэрства”,
таму што яно немагчыма без “спасылкі да адзінага Айца”.
Корань братэрства
– у айцоўстве Бога, а крыж стаў “месцам” заснавання братэрства, якое людзі самі не
ў стане стварыць, лічыць Папа. Такім чынам, на яго думку, жыццё з Хрыстом дапамагае
бачыць у Богу Айца ўсіх людзей і, як наступства, нараджае імкненне жыць братэрствам.
Святы
Айцец, падкрэсліў, што прычына беднасці і “ганьбы голада” – у недахопе братэрства.
Ён нагадаў пра неабходнасць братэрства ў эканоміцы. Каб аднавіць братэрства, Папа
заклікае адкласці зброю і ўстаць на шлях дыялогу, спрыяць раззбраенню, асабліва хімічных
і ядзерных арсеналаў, змагацца з карупцыяй і арганізаванай злачыннасцю, клапаціцца
пра раўнамернае і адказнае выкарыстанне прыродных рэсурсаў. Францішак падкрэсліў,
што “Касцёл шмат робіць ва ўсіх гэтых сферах, і ў большасці выпадкаў у маўчанні”,
але неабходна пашырыць намаганні і памятаць, што служэнне – гэта “душа братэрства,
якое стварае свет”.