Քահանայապետական աղօթքի դիտաւորութիւնները որ ընդհանրապէս ստորաբաժանուած են <<ընդհանրական
եւ միսիոնարական>> աղօթքի դիտաւորութիւններու, 2014-էն սկսեալ կը ստանձնեն <<տիեզերական>>
եւ <<աւետարանցումի>> խորագիր կրող աղօթքի դիտաւորութիւններ, շեշտը դնելու համար աղօթքի
կարեւորութեան եւ վերարծարծելու 2012-ի աւետարանութեան մասին սիւնհոդոսի կարեւորութիւնը։
2014-ի Քահանայապետական աղօթքներու դիտաւորութիւնները լոյս տեսած էին անցեալ 26
փետրուար 2013-ին, Օսսեվաթորէ Ռոմանօ վատիկանեան օրաթերթի էջերուն մէջ եւ ընտրուած են
վաստակաւոր Քահանայապետ` Պենետիկտոս ԺԶ-ի կողմէ որ 2014-ի Յունուար ամսուայ որպէս աղօթքի
դիտաւորութիւն ընտրած էր.
Որպէս <<Տիեզերական>> աղօթքի դիտաւորութիւն` <<որպէսզի
յառաջանայ իսկական տնտեսական զարգացում մը որ նկատի առնէ մարդու եւ բոլոր ժողովուրդներու
արժանաւորութեան յարգանքը։
Իսկ որպէս <<աւետարանութեան>> դիտաւորութիւն` <<որպէսզի
զանազան դաւանանքներու պատկանող քրիստոնեաները կարենան միասնաբար ընթանալ դէպի` Քրիստոսի
պահանջած միութիւնը։>>