Францішак запрашае на Эўхарыстыю ў Дом св. Марты вернікаў з Рыма
Папа жадае сустрэцца
з вернікамі ўсіх парафіяльных супольнасцяў Рыма. Пачынаючы са студзеня 2014 г. пробашчы
парафій Рымскай дыяцэзіі змогуць падаць заяўку на ўдзел у ранішняй Эўхарыстыі з Пантыфікам,
якую апошні цэлебруе амаль штодзённа ў капліцы Дома св. Марты. Пра гэта паведаміў
журналістам кіраўнік Залы Друку Апостальскай Сталіцы кс. Фэдэрыка Ламбардзі 27 снежня
2013 г. Да гэтага часу ў ранішняй літургіі з Папам, галоўным чынам прымалі ўдзел супрацоўнікі
розных ватыканскіх структур і дыкастэрый. У сувязі з тым, што Святы Айцец не зможа
наведаць усе парафіі Рыма, ён вырашыў даць магчымасць прыняць удзел у цэлебрацыі разам
з ім, прынамсі невялікім групам прадстаўнікоў кожнай з рымскіх парафій. Паводле кс.
Ламбардзі, групы будуць складацца з каля 25 чалавек.