Ֆրանչիսկոս Քահանայապետը այցելեց Պենետիկտոս ԺԶ վաստակաւոր քահանայապետը։

Երկուշաբթի, 22 դեկտեմբեր, երեկոյեան ժամը 5-ին, Ֆրանչիսկոս Սրբազան Հայրը հակիրճ այցելութիւն մը կատարեց Պենետիկտոս ԺԶ վաստակաւոր քահանայապետին, անոր փոխանցելու Սուրբ Ծննդեան տօներու բաեմաղթութիւնները։
Պենետիկտոս ԺԶ-ի նստավայրը ժամանելուն, Ֆրանչիսկոս Քահանայապետը դիմաւորուեցաւ վաստակաւոր քահանայապետի կողմէ, ապա երկուքը միասին ուղղուեցան մատուռ ուր պահ մը ամփոփուեցան հուսկ տեղի ունեցաւ երկու քահանայապետներու միջեւ սիրալիր հանդիպում մը։
Ֆրանչիսկոս Քահանայապետին կ՛ընկերակցէին իրեն քարտուղարները։ Հանդիպումի աւարտին Ֆրանչիսկոս Պապը ողջունեց նաեւ վաստակաւոր քահանայապետի ''ընտանիքի'' անդամները` գերապայծառ Կէյնզուէյն եւ ''Մէմորէս'' կոչուած մայրապետները։ Ժամը 17,45-ին Ֆրանչիսկոս Պապը հրաժեշտ առաւ ու վերադարձաւ Տոմուս Սանթա Մարթայի իր նստավայրը։