Урачыстасць Божага
Нараджэння мае асаблівае значэнне для папы Францішка. Менавіта 25 снежня 1936 г.,
праз тыдзень пасля свайго нараджэння, ён атрымаў сакрамэнт хросту. Гэта адбылося ў
базыліцы Маці Божай Нястомнай Дапамогі і св. Карла Барамэя ў квартале Альмагра Буэнас-Айрэса.
Менавіта тут, напрыканцы снежня 1935 г., прынялі сакрамэнт сужэнства яго бацькі: Марыё
Джузэпэ Франчэска Берголіа і Реджына Марыя Сіворы. Падрабязнасцямі, пра хрост Хорхэ
Берголіа, падзяліўся з італьянскай “La Stampa” аргентынскі журналіст Даніэль Варгас,
які, між іншым, з’яўляецца даследчыкам гісторыі квартала ў якім на працягу доўгіх
гадоў жыў будучы Пантыфік. Папа Францішак тэлефанаваў яму некалькі дзён таму, каб
даведацца пра новыя адкрыцці і падрабязнасці звязаныя з яго працай і пажадаў паспехаў
у даследваннях.
Нагодай для тэлефанавання стала выданне Варгасам кнігі пад
назвай “Хрост папы Францішка. З Турына да Буэнас-Айрэса. Айцец Паццолі і салезіянскасць
езуіта Хорхэ Марыё Берголіа”. Выдынне прысвечана святару-салезіяніну, які на працягу
доўгага часу быў духоўным кіраўніком айца будучага Пантыфіка і блізкім сям’і Берголіа
чалавекам. Падчас тэлефоннай размовы Францішак нагадаў журналісту: “Не забывайце,
што я меў цудоўных выхавацеляў”.