Святы Айцец падрыхтаваў
спецыяльную малітву за сям’ю. Яна прагучыць упершыню 29 снежня 2013 г. Гэта ініцыятыва
Пантыфіка звязана з падрыхтоўкай да трэцяй пазачарговай Генеральнай асамблеі Сіноду
Біскупаў, якая пройдзе ў Ватыкане 5-19 кастрычніка 2014 г. і будзе прысвечана сям’і
ў кантэксце евангелізацыі. Пантыфік прачытае малітву падчас нядзельнай сустрэчы з
вернікамі на ватыканскай плошчы, - гаворыцца ў сённяшнім нумары “L’Osservatore Romano”.
Падчас
гэтай малітоўнай сустрэчы ў нядзелю Святой Сям’і будзе арганізаваны адмысловы тэлемост.
З плошчай св. Пятра спалучацца венікі з Назарэту і Ларэта. Св. Імшу ў інтэнцыі біскупскай
асамблеі ў базыліцы Звеставання ў Святой Зямлі ўзначаліць Генеральны сакратар Сіноду
Біскупаў, арцыбіскуп Ларэнца Балдзісэры, а ў Ларэта, мясцовы арцыбіскуп Джавані Танучы.
Ватыканская газета нагадвае, што ў той жа інтэнцыі ў барселонскай базыліцы Святой
Сям’і (Sagrada Família) у наступную нядзелю, 22 снежня, Эўхарыстыю ўзначаліць старшыня
Папскай рады па справах сям’і, арцыбіскуп Вінчэнца Палья.